لیہ(نمائندہ لیہ ٹی وی ) کمشنر ڈیرہ غازی خان ڈویژن اشفاق احمد چوہدری نے ٹراما سینٹر چوک اعظم میں جاری ترقیاتی کام کا جائزہ لینے کے لیے دورہ کیا۔اس موقع پر انہوں نے ٹراما سینٹر کی جلد از جلد بحالی کے حوالے سے ضلعی انتظامیہ لیہ کے اقدامات کو سراہا۔ ڈپٹی کمشنر لیہ آصف علی ڈوگر سمیت دیگر متعلقہ عہدیداران بھی ہمراہ موجود تھے۔کمشنر نے کہا کہ ٹراما سینٹر کی تکمیل سے علاقے میں صحت کی سہولیات عام شہریوں تک مؤثر انداز میں پہنچانے میں مدد ملے گی اور ایمرجنسی سروسز مزید بہتر ہوں گی۔
