لیہ(نمائندہ لیہ ٹی وی ) اسسٹنٹ کمشنر لیہ رانا زوہیب کریم نے ماہ مقدس رمضان المبارک کے تقدس اور احترام کو یقینی بنانے کے لئے مختلف علاقوں میں ہوٹلوں کا معائنہ کیا۔انہوں نے اس دوران احترام رمضان آرڈیننس کی خلاف ورزی پر ہوٹلوں کو سیل کر دیا۔انہوں نے اس موقع پر کہا کہ حکومت پنجاب کی ہدایات کے مطابق رمضان المبارک میں دن کے اوقات میں کھلے عام کھانے پینے کی اشیاء کی فروخت کسی صورت برداشت نہیں کی جائے گی۔ انہوں نے کہا کہ احترام رمضان آرڈیننس پر عملدرآمد ہر صورت یقینی بنایا جائے گا اور قانون شکنی کرنے والوں کے خلاف بلا امتیاز کارروائی جاری رہے گی۔انہوں نے کہا کہ رمضان المبارک ہمیں صبر، برداشت اور نظم و ضبط کا درس دیتا ہے لہذا تمام شہری اور تاجر برادری قانون کا احترام کریں اور ضلعی انتظامیہ کے ساتھ تعاون کریں۔
