لیہ(نمائندہ لیہ ٹی وی)لیہ پولیس کی ٹریفک قوانین آگاہی مہم کا سلسلہ جاری ،ڈی پی او لیہ حسن جاوید بھٹی نے سکول طلباء میں مفت ہیلمٹ تقسیم کیے ، ،ڈی ایس پی ٹریفک راؤ ظفر اقبال، ڈی ایس پی صدر عمران خورشید بھی ہمراہ تھے ،ڈی پی او لیہ حسن جاوید بھٹی نے ایم سی ہائی سکول میں منعقدہ سیمینار کے دوران سکول طلباء میں مفٹ ہیلمٹ تقسیم کیے، منعقدہ آگاہی سیمینار کے دوران ڈی پی او لیہ نے خطاب کرتے ہوئے کہا کہ دوران سفر ٹریفک حادثہ کی صورت میں ہیلمٹ انسانی زندگی کو بچانے میں انتہائی اہم ہے ، ہیلمٹ ہمیں ہیڈ انجری سے محفوظ رکھتا ہے ،محفوظ سفرکویقینی بنانے اورحادثات کی روک تھام کےلئے حکومت پنجاب کی ہدایت پر ٹریفک قوانین سے متعلق آگاہی و دیگر اقدمات کیے جا رہے ہیں ،تمام شہری حضرات دوران سفرٹریفک قوانین پر کر یں اور ہیلمٹ کا استعمال لازمی کریں ،خلاف ورزی کی صورت میں سخت قانونی کاروائی عمل میں لائی جائے گی ۔
