لیہ(نمائندہ لیہ ٹی وی)ڈی پی او لیہ حسن جاوید بھٹی کی زیر صدارت دفتر پولیس میں میٹنگ کا انعقاد ،رمضان المبارک کے سکیورٹی انتظامات اور رواں سال درج مقدمات کا جائزہ لیا گیا ،ایس پی انویسٹی گیشن شاہد حسین ،ڈی ایس پیز اور تھانہ جات کے ایس ایچ اوز ودیگر افسران نے میٹنگ میں شرکت کی ،ڈی ایس پیز ،ایس ایچ او ز تھانہ جات نے اپنے سرکل اور تھانہ سے متعلق درج مقدمات اور ان کی تفتیش میں ہونے والی پیش رفت سے ڈی پی او لیہ کو بریف کیا ،ڈی پی او لیہ حسن جاید بھٹی نے دوران میٹنگ پولیس افسران سے خطاب کرتے ہوئے کہا کہ رمضان المبار ک کی مبارک سعادتوں کے موقع پر فرزندان اسلام کے تحفظ کےلئے فول پروف سکیورٹی انتظامات کئے جائیں ،سحر و افطار ،تراویح کے اوقات میں مساجد پر پولیس اہلکاران کو بائی نیم سکیورٹی ڈیوٹی تفویض کی جائے،امن و امان کو برقرار رکھنے کےلئے مذہبی رہنما و ؤں اور ممبران امن کمیٹی کے ساتھ مل کر مذہبی ہم آہنگی کو فروغ دیا جائے ۔
