لیہ(نمائندہ لیہ ٹی وی) محکمہ زراعت توسیع لیہ اور نجی پیسٹی سائیڈ کمپنی کی زیر اہتمام چک نمبر 152 ٹی ڈی اے میں اگیتی کاشت کپاس کی ترویج اور گندم کی فی ایکڑ بہتر پیداوار کے لیے میگا فارمر ڈے کا انعقاد کیا گیا۔ سیمینار میں ڈپٹی ڈائریکٹر زراعت توسیع لیہ شیخ عاشق حسین ، اسسٹنٹ ڈائریکٹر زراعت توسیع لیہ محمد طلحہ شیخ اور محمد وسیم ڈپٹی ڈائریکٹر پیسٹ وارننگ نے بطور مہمان خصوصی شرکت۔ ڈپٹی ڈائریکٹر زراعت توسیع لیہ شیخ عاشق حسین نے کاشتکاروں کو حکومت پنجاب کی طرف سے لیے گئے اقدامات کے بارے تفصیلی جائزہ دیا جس میں کسان کارڈ ، گرین ٹریکٹرز سکیم ، فارم میکانائزیشن پروگرام ، زرعی ماڈل فارم، پیداواری مقابلہ جات برائے گندم ،زمین اور مٹی کی تجزیاتی موبائل لیبارٹریوں کی تحصیل کی سطح پر فراہمی اور اپنا کھیت اپنا روزگار سکیم کے متعلق تفصیل کیساتھ بیان کیا۔محمد طلحہ شیخ اسسٹنٹ ڈائریکٹر زراعت توسیع لیہ نے اپنے خطاب میں کہا کہ اگیتی کپاس کی کاشت زیادہ سے زیادہ رقبہ پر کریں۔ حکومت پنجاب کپاس کی منظور شدہ اقسام کی بہترین ، ٹیگ شدہ بیج فراہم کرنے کے لیے کی کوشاں ھے، اس ضمن میں مختلف جگہوں پر چھاپے مار کر لاکھوں روپے مالیت کا غیر معیاری بیج ضبط اور تین افراد کے خلاف کیسز جوڈیشل مجسٹریٹ کو بھیج دئیے گئے ہیں۔ چودھری وسیم احمد ڈپٹی ڈائریکٹر نے کاشتکاروں کو گلابی سنڈی کی تلفی اور بے موسمی منیجمنٹ کے حوالے سے آگاہی دی۔ اس پروگرام میں زراعت آفیسر شائستہ قسور، محمد اقبال کے علاؤہ علاقہ بھر سے کاشتکاروں کثیر تعداد میں شرکت کی۔ کاشتکاروں نے اپنے اپنے زرعی مسائل کے متعلق تمام ماہرین سے تفصیلی سوالات کرکے جوابات بھی حاصل کیے۔
