لیہ(نمائندہ لیہ ٹی وی) وزیر اعلیٰ پنجاب مریم نواز شریف کے احکامات کی روشنی میں رمضان المبارک میں عوام کو مقررہ نرخوں پر اشیاء خوردونوش کی فراہمی کے لئے اقدامات جاری ہیں۔ ڈپٹی کمشنر آصف علی ڈوگر کی ہدایت پر انتظامی افسران اور پرائس کنٹرول مجسٹریٹس منڈی سے مارکیٹ تک سبزیوں، فروٹ کی نیلامی اور قیمتوں کی پڑتال کا عمل جاری رکھے ہوئے ہیں۔ اس سلسلہ میں ایڈیشنل ڈپٹی کمشنر ریونیو شاہد ملک نے صبح سویرے فروٹ منڈی لیہ میں سبزیوں اور پھلوں کے نیلامی کے عمل کا جائزہ لیا۔ ای اے ڈی اے عمران ستار بھی ان کے ہمراہ تھے۔ اے ڈی سی آر نے قیمتوں کی پڑتال کی اور اشیاء کی کوالٹی بھی چیک کی۔ انہوں نے منڈی میں صفائی کے نظام کا بھی معائنہ کیا۔ اے ڈی سی آر نے ہدایت کی کہ نیلامی کے عمل کے بعد قیمتوں کا تعین کر دیا جائے اور سرکاری ریٹ لسٹ مارکیٹ میں فوراً پہنچا دی جائے۔
