حسن جاوید بھٹی کے ویژن کرائم فری ضلع پر عملدرآمد، تھانہ چوبارہ پولیس کی پے در پے کارروائیاں، 8 ملزمان گرفتار

لیہ(نمائندہ لیہ ٹی وی)ڈی پی او لیہ حسن جاوید بھٹی کے ویژن کرائم فری ضلع کے مطابق تھانہ چوبارہ پولیس کی جرائم پیشہ عناصر اور منشیات فروشوں کے خلاف پے در پے کاروائیاں ،ایس ایچ او تھانہ چوبارہ پولیس منصور علی کی زیر نگرانی پولیس نے مختلف کاروائیوں کے دوران کل 8 ملزمان گرفتار کر لیے ،ملزمان سے 60 لیٹر شراب ،200 لیٹر لہن ،اسلحہ ناجائز پسٹل معہ راؤاور داؤ پر لگی رقم برآمد ،مقدمات درج ،سب انسپکٹر شکیل احمد نے پولیس ٹیم کے ہمراہ کاروائی کرتے ہوئے منشیات فروش عمر فاروق کو گرفتار کر لیا ،ملزم سے 10 لیٹر شراب برآمد ہوئی جبکہ ایک اور کاروائی کرتے ہوئے سب انسپکٹر شکیل احمد نے کامیاب ریڈ کے دوران موقع سے 04 جواری ذوالفقار ،جاوید ،ندیم اور راشد کو گرفتار کرکے داؤ پر لگی رقم برآمد کر لی ،جبکہ اے ایس آئی شیراز حسین نے کاروائی کرتے ہوئے شراب فروش ملزم ذیشان کو گرفتار کرکے 20 لیٹر شراب برآمد کی ،اے ایس آئی طارق پرویز نے ایک اور کاروائی کرتے ہوئے ملزم ملک مٹھو مسلم شیخ کو گرفتار کرکے اسلحہ ناجائز پسٹل معہ راؤند برآمد کر لیا ،اسی طرح اے ایس آئی حفیظ اللہ نے ملزم ناصر عباس کو گرفتار کرکے 30 لیٹر شراب اور200 لیٹر لہن برآمد کیا ،ایس ایچ او تھانہ چوبارہ منصور علی کا کہنا ہے کہ جرائم کی بیخ کنی کےلئے ہر ممکن اقدامات کیے جا رہے ہیں تا کہ شہریوں کے جان و مال ،عزت و آبرو کی تحفظ کو یقینی بنایا جا سکے ۔