ٹریفک قوانین ترمیمی آرڈیننس 2025 پر عملدرآمد کیلئے ٹریفک پولیس لیہ کی آگاہی مہم تیز، کپس کالج میں سیمینار کا انعقاد،ڈی ایس پی ٹریفک ظفر اقبال کا طلبہ سے خطاب — ہیلمٹ، سیٹ بیلٹ، اسپید سے اجتناب اور ڈرائیونگ لائسنس کی اہمیت پر زور

لیہ(نمائندہ لیہ ٹی وی)ٹریفک قوانین ترمیمی آرڈینینس 2025،وزیر اعلیٰ پنجاب اور آئی جی پنجاب کی ہدایت پر ٹریفک پولیس لیہ کی بھر پور آگاہی مہم ،جاری ہے ڈی ایس پی ٹریفک ظفر اقبال نے لیہ کے معروف کپس کالج میں نواب ممتاز ہال میں منعقدہ ایک سیمینار میں طلبہ سے خطاب کرتے ہو ئے کہا حکومت پنجاب کی طرف سے ٹریفک قوانین میں ترامیم اور عملد رآمد جیسے اقدامات شہریوں کے تحفظ اور حادثات کی روک تھام کےلئے ہیں ،ٹریفک قوانین کی پابند ی مہذب قوموں کا شیوہ ہے ،ہیلمٹ کا استعمال ،سیٹ بیلٹ روڈ ایکسڈینٹ کے دوران شدید انجری سے بچاتا ہے ،ٹریفک قوانین پر عمل نہ کرنے باعث ہر سال حادثات کے دوران لاکھوں قیمتی انسانی جانوں کا ضیاع ہوتا ہے ،ٹریفک قوانین کی پاسدار ہمارے محفوظ سفر کی ضمانت ہے ڈی ایس پی ٹریفک ظفر اقبال نے کپس کالج لیہ کے طلبہ سے کہا کہ وہ دوران سفر ہیلمنٹ کا استعمال یقینی بنائیں اور جلد از جلد اپنے ڈرائیونگ لائسنس بھی بنائیں اور دوران ڈرائیونگ اپنی سائیڈ پر رہیں اور اور سپیڈ سے اجتناب کریں تاکہ وہ پریشانی سے بچ سکیں اس موقع پر پراجیکٹ ڈائرکٹر کپس کالج چوہدری سجاد احمد ۔پرنسپل کپس کالج لیہ حسن سید ۔کیمپس منیجر خواجہ زاہد انچارج ایجوکیشن یونٹ ٹریفک پولیس غریب عالم ۔سینئر ٹریفک اسسٹنٹ کامران ندیم بھی موجود تھے