لیہ(نمائندہ نمائندہ لیہ ٹی وی)وزیراعلیٰ پنجاب مریم نواز اور آئی جی پنجاب ڈاکٹر عثمان انور کی ہدایت پر ڈسٹرکٹ پولیس آفیسر لیہ محمد علی وسیم کی زیر قیادت لیہ پولیس نے منشیات فروشوں کے خلاف سال 2025 کے دوران نمایاں کامیابیاں حاصل کیں۔ رواں سال کے دوران ضلع بھر کے مختلف تھانوں میں 356 مقدمات درج کیے گئے، جبکہ منشیات کے مکروہ دھندے میں ملوث 16خواتین سمیت 356 ملزمان کو گرفتار کرکے 3 کروڑ کی منشیات برامد کر لیترجمان پولیس کے مطابق گرفتار ملزمان کے قبضے سے بھاری مقدار میں منشیات برآمد کی گئی، جن میں 0.901 کلو گرام آئس، 62.300 کلو گرام چرس، 42 کلو گرام سے زائد ہیروئن، 9.500 کلو گرام بھنگ، 248 کلو گرام پوست، 918 بوتل شراب اور 4115 لیٹر شراب شامل ہیں۔ مزید براں، منشیات فروشوں کے اس نیٹ ورک میں سرگرم 16 خواتین کو بھی گرفتار کیا گیا جن کے قبضے سے چرس، ہیروئن اور پوست جس کی مالیت تین کروڑ روپیہ بنتی ہے برامد کر لیڈی پی او لیہ محمد علی وسیم نے اپنے بیان میں کہا کہ منشیات نوجوان نسل کی تباہی کا بنیادی سبب ہیں، جن کا خاتمہ پولیس کی اولین ترجیح ہے۔ انہوں نے کہا کہ لیہ پولیس منشیات کے مکروہ دھندے میں ملوث عناصر کے خلاف بلا امتیاز اور بلا تعطل کارروائیاں جاری رکھے ہوئے ہے۔ڈی پی او کا مزید کہنا تھا کہ منشیات فروش معاشرے کے ناسور ہیں، ایسے عناصر کو کسی صورت معافی نہیں دی جائے گی۔ نوجوان نسل کو منشیات کی لعنت سے بچانے کے لیے عوام کا تعاون بھی ضروری ہے۔ لیہ پولیس کا عزم ہے کہ ضلع کو منشیات سے پاک اور پرامن بنایا جائے تاکہ آنے والی نسلوں کو محفوظ مستقبل فراہم کیا جا سکے۔
