لیہ(نمائندہ لیہ ٹی وی) وزیر اعلیٰ پنجاب مریم نواز شریف کے وژن سرکاری سکول معیاری سکول کے سلسلہ میں بچوں میں قائدانہ صلاحیتوں کو اجاگر کرنے کے لئے گورنمنٹ پرائمری اسکول چک نمبر 124 ٹی ڈی اے میں طلبہ اسکول کونسل کے انتخابات نہایت خوش اسلوبی سے منعقد ہوئے۔ چیف ایگزیکٹو آفیسر تعلیم محمد قیوم خان کی زیر قیادت محکمہ تعلیم میں ہم نصابی سرگرمیاں جاری ہیں۔اس سلسلہ میں اسسٹنٹ ایجوکیشن آفیسر رمضان تھند(تعلیم مرکز لیہ 1) کی زیر نگرانی طلبہ کو سکول کونسل کے ذریعے جمہوری عمل، قیادت، نظم و ضبط اور ذمہ داری کی اہمیت سے آگاہی دی گئی۔ انہوں نے کہا کہ اسکول کونسل کے انتخابات بچوں میں خوداعتمادی، فیصلہ سازی اور قیادت کے اوصاف پیدا کرنے کا بہترین ذریعہ ہیں اور یہی بچے مستقبل کے ذمہ دار شہری بنیں گے۔ اس موقع پر پروگرام کے انچارج نعمان سعید کی محنت اور راہنمائی کو سراہا گیا۔ اس موقع پر والدین نے کہا کہ اساتذہ اور انتظامیہ کی ایسی مثبت کاوشیں ضلع بھر میں تعلیمی ماحول کو بہتر بنانے میں اہم کردار ادا کر رہی ہیں۔ منتخب ہونے والے طلبہ نے عزم کیا کہ وہ اسکول کے نظم و ضبط، صفائی ستھرائی، تعلیمی ماحول کی بہتری اور ساتھی طلبہ کی فلاح و بہبود کے لیے سرگرم کردار ادا کریں گے۔
