لیہ(نمائندہ لیہ ٹی وی) وزیر اعلیٰ پنجاب مریم نواز شریف کے احکامات اور ڈپٹی کمشنر امیرا بیدار کی ہدایت پراسسٹنٹ ڈائریکٹرزراعت محمدطلحہ شیخ نے ضلع لیہ، پیر جگی شریف، لدھانہ اور جمن شاہ میں کھاد فروخت کرنے والی مارکیٹوں کا معائنہ کیا۔ اس دوران مائیکرو نیوٹرینٹ، زنک، امونیم سلفیٹ، پوٹاش، گوارا اور یوریا کے نمونے حاصل کیے گئے جنہیں کوالٹی چیک کے لیے لاہور اور ڈیرہ غازی خان کی لیبارٹریز بھجوا دیا گیا ہے۔ انہوں نے کہا کہ ٹیسٹ رپورٹس موصول ہونے کے بعد مزید قانونی کارروائیاں عمل میں لائی جائیں گی۔محمد طلحہ شیخ نے بتایا کہ جن کمپنیوں کے سیمپل غیر معیاری ثابت ہوئے ہیں ان کے خلاف مقدمات تیار کر کے عدالتوں میں بھجوا دیے گئے ہیں تاکہ ایسے عناصر کو جلد قانون کے کٹہرے میں لایا جا سکے۔ انہوں نے کہا کہ جعلی اور غیر معیاری کھاد اور زرعی ادویات کے کاروبار کی ہرگز اجازت نہیں دی جائے گی۔
