لیہ(نمائندہ لیہ ٹی وی) مین ہولز کے ٹوٹ جانے والے ڈھکن کی تبدیلی کا عمل جاری۔ ڈپٹی کمشنر امیرا بیدار کی ہدایت پر ضلع بھر میں مین ہولز کے ٹوٹ جانے والے ڈھکن تبدیل کرنے کا کام جاری ہے۔ ڈپٹی کمشنر نے سختی سے ہدایت جاری کی ہے کہ ضلع بھر میں کوئی بھی مین ہول ڈھکن کے بغیر نہ رہنے دیا جائے۔ انہوں نے ہدایت کی کہ میونسپل کمیٹیاں اور ضلع کونسل ضلع بھر میں مین ہولز کا سروے کریں اور ٹوٹ جانے والے یا اوپن مین ہولز پر فوری ڈھکن لگائے جائیں۔ ڈپٹی کمشنر نے ہدایت کی کہ متعلقہ محکمے اور افسران مین ہولز کورنگ سرٹیفکیٹ ڈی سی آفس جمع کروائیں۔ انہوں نے متنبہ کیا کہ مین ہولز کے کسی بھی ممکنہ حادثہ میں متعلقہ افسران کے خلاف سخت تادیبی کارروائی عمل میں لائی جائے گی۔ اس سلسلہ میں متعلقہ اداروں کی طرف سے مین ہولز پر ڈھکن لگانے کا عمل تیز کر دیا گیا ہے۔
