ڈی پی او لیہ کی روزانہ کھلی کچہری، میرٹ پر فوری انصاف کی فراہمی جاری

لیہ (نمائندہ لیہ ٹی وی) فراہمی انصاف کےلئے ڈی پی او لیہ محمد علی وسیم کا روزانہ کی بنیاد پر دفتر پولیس میں کھلی کچہری کا انعقاد ،امروزشہریوں کی طرف سے پیش کردہ درخواستوں پر کاروائی عمل میں لائی ۔تفصیلات کے مطابق شہریوں کومیرٹ پراور بلا تاخیر انصاف کی فراہمی کو یقینی بنانے کےلئے ڈسٹرکٹ پولیس آفیسر لیہ محمد علی وسیم کا روزانہ کی بنیاد پر دفتر پولیس میں کھلی کچہری کے انعقاد کا سلسلہ جاری ہے ، ڈی پی او لیہ نے امروزشہریوں کی طرف سے پیش کردہ درخواستوں پر کاروائی عمل میں لاتے ہوئے مرد و خواتین سائلین کے مسائل سن کر متعلقہ پولیس افسران کو موقع پر ہدایات جاری کیں،ڈی پی او لیہ کا کہنا ہے کہ معاشرے میں انصاف کی بلا تاخیر فراہمی سے امن قائم اور قانون کی بالادستی قائم ہوتی ہے ۔