لیہ(نمائندہ لیہ ٹی وی) وزیر اعلیٰ پنجاب مریم نواز شریف کے احکامات کی روشنی میں ڈائریکٹر جنرل محکمہ تحفظ ماحول حکومت پنجاب عمران حامد شیخ کی ہدایات پر ضلعی انتظامیہ کے تعاون سے ای پی اے لیہ کی ٹیم زیرِ نگرانی محمد ارشد چغتائی اسسٹنٹ ڈائریکٹر ماحولیات لیہ نے ٹیم کے ہمراہ ضلع بھر میں آلودگی پھیلانے والوں کے خلاف سخت کارروائی کا سلسلہ جاری ہے۔ محکمہ ماحولیات نے لیہ میں 3 بھٹہ جات خشت کو زگ زیگ ٹیکنالوجی کی خلاف ورزی پر انکے غیر قانونی حصہ کو مسمار کر دیا، لیہ شہر میں واٹر ری سائیکلنگ پلانٹس کے بغیر چلنے والے مزیر 2 سروس اسٹیشن سیل اور 1 کو نوٹس جاری کیا گیا، 10 کلوگرام سے زائد غیر معیاری پلاسٹک شاپنگ بیگز تحویل میں لیے گئے، 2 رائس ملز میں آلودگی کنٹرول کرنے کے والے آلات کا معائنہ، چوک اعظم روڈ کے قریب مختلف بھٹہ جات کے گرد 100 سے زائد درخت لگائے گئے, چوک اعظم روڈ پر واقع 1 زیر تعمیر کمرشل بلڈنگ کو مسٹ سپرکلنگ سسٹم نصب نہ کرنے پر نوٹس جاری کیا گیا اور لیہ شوگر ملز کے اندر واٹر ٹریٹمنٹ پلانٹ کے پبلک شنوائی پروگرام میں شرکت کی گئی۔اسسٹنٹ ڈائریکٹر ماحولیات نے بتایا کہ اس سلسلہ میں ضلع بھر میں مزید کاروائیاں روزانہ کی بنیاد پر تیزی سے جاری ہیں۔
