جانوروں کو بیماریوں سے بچانے کیلئے ویکسی نیشن مہم جاری، دیہی علاقوں میں آگاہی مہم بھی چلائی جارہی ہے

لیہ(نمائندہ لیہ ٹی وی) ایڈیشنل ڈائریکٹر لائیو سٹاک ڈاکٹر طارق گدارہ نے کہا ہے کہ جانوروں کوبیماریوں سے محفوظ رکھنے کے لیے کے لئے اقدامات جاری ہیںبڑے جانوروں کو منہ کھر ،گل گھوٹو چھوٹے جانوروں کوانتڑیوں کے زہرباد اور بلورو نمونیہ سے محفوظ رکھنے کے لیے ویکسین کا عمل جاری ہے جبکہ علاج معالجہ اور مویشی پال حضرات کو آگاہی دی جا رہی ہے۔انہوںنے کہاکہ محکمہ لائیوسٹاک نے جانوروں کی مختلف بیماریوں کے تدارک کے لیے خصوصی مہمات کا آغاز کیا ہے ویکسینیشن مہم کے تحت جانوروں کو حفاظتی ٹیکے لگائے جا رہے ہیں تاکہ ان کی قوت مدافعت میں اضافہ کیا جا سکے۔انہوںنے کہاکہ دیہی علاقوں میں مویشی پال حضرات کو آگاہی فراہم کی جا رہی ہے تاکہ وہ صفائی کا خاص خیال رکھیں اور بیمار جانوروں کو الگ تھلگ رکھیںجانوروں کی جگہ کو صاف ستھرا رکھیں اور جراثیم کش ادویات کا چھڑکاؤکریںکسی بھی جانور میں بیماری کی علامات نظر آئیں تو فوراً قریبی ویٹرنری ڈاکٹر سے رجوع کریں۔ ڈاکٹر طارق گدارہ نے کہاکہ ویکسی نیشن مہم 30جون تک جارہے گی اور سوفی صدٹارگٹ حاصل کیاجائے گا۔