لیہ (نمائندہ لیہ ٹی وی)وزیراعلی پنجاب مریم نوازشریف کے احکامات پر ضلع لیہ میں انسداد پولیومہم کامیابی سے جاری ہے۔ڈسٹرکٹ ہیلتھ آفیسر ڈاکٹر غلام محی الدین نے جکھڑپکا،بیٹ وساوا،بکھری احمدخان ودیگر دریائی علاقوں میں پا نچ سال سے کم عمر بچوں کوپولیو سے بچاؤکی ویکسین پلانے کے عمل کی تصدیق کے لیے بچوں کی فنگر مارکنگ کو چیک کیا۔انہوں نے پولیو ٹیموں کو ہدایات جاری کرتے ہوئے کہا کہ ضلع لیہ میں پولیو کے مائیکرو پلان پر پوری طرح عملدرآمد کیا جائے اور اس بات کو ہر صورت یقینی بنایا جائے کہ ضلع بھر میں کوئی بھی بچہ پولیو سے بچاوکی ویکسین پینے سے رہ نہ جائے۔ انہوں نے مزید کہا کہ پولیو سے پاک معاشرہ ہماری اولین ترجیح ہے اور اسے یقینی بنانے کے لیے دستیاب وسائل اور افرادی قوت کو بروئے کار لایا جائے۔
