لیہ(نمائندہ لیہ ٹی وی )کانسٹیبل سے ہیڈ کانسٹیبل کے عہدے پر ترقی یاب ہونے والے پولیس افسران کی رینک پننگ تقریب کا انعقاد ،ڈی پی او لیہ محمد علی وسیم نے ترقی پانے والا ملازمان کو شولڈر بیج لگائے ،پی ایس او محمد شریف بھی ان کے ہمراہ تھے ،ڈی پی او لیہ نے پرمووٹ ہونے والے ملازمان کومبارک باد دی ،ان کےلئے نیک خواہشات کا اظہار کرتے ہوئے کہا کہ محکمانہ ترقی بلاشہ ملازمان کی محنت کا ثمر ہوتی ہے ،محکمہ پولیس میں دن رات ڈیوٹی کے ساتھ ترقی کےلئے سخت محنت کرنا پڑتی ہے ،نئے عہدے کے ساتھ آپ کی محکمانہ ذمہ داریوں پہلے سے بڑھ گئی ہیں،آپ اپنی ذمہ داریاں بطریق احسن سر انجام دیں اور محکمہ کےوقار میں اضافہ کا باعث بنیں ، کانسٹیبل سے ہیڈ کانسٹیبل کے عہدے پر ترقی پانے والوں میں محمد وقاص ،فاروق ،اکرام ،ثقلین ،جہا نگیر ،اعجا ز ،غضنفر ،شیر عابد ،نوید شامل ہیں ۔
