ڈپٹی کمشنر لیہ کی زیر صدارت ستھرا پنجاب و انسداد تجاوزات اجلاس، مؤثر اقدامات کی ہدایت

لیہ(نمائندہ لیہ ٹی وی )ڈپٹی کمشنر امیرا بیدار کی زیر صدارت تجاوزات ہٹانے اور ستھرا پنجاب بارے اجلاس منعقد ہوا۔ اجلاس میں ایڈیشنل ڈپٹی کمشنرریونیومحمدشاہدملک، اسسٹنٹ کمشنر تحصیل کروڑ نور محمد، سی او ایم سی عمار الطاف، تحصیل انچارج ویسٹ مینجمنٹ کمپنی انجینئر حذیفہ مسعود ودیگر موجود تھے۔اجلاس سے خطاب کرتے ہوئے ڈپٹی کمشنر امیرا بیدار نے کہا کہ وزیریراعلیٰ پنجاب مریم نواز شریف کی ہدایت پر اینٹی انکروچمنٹ مہم میں تیزی لائی جائے مہم کا بنیادی مقصد عوامی مقامات پر غیر قانونی تجاوزات کا خاتمہ کرنا اور شہریوں کو امدورفت میں آسانیاں فراہم کرنا ہے۔ڈپٹی کمشنر نے کہا مین شاہراہوں پر اور بازاروں میں اولین بنیادوں پر تجاوزات ہٹا کر شہر کا حسن بحال کیا جائے۔ ڈپٹی کمشنر امیرا بیدار نے کہا کہ بازاروں میں واضح کردہ ایک ہی ڈیزائن ایک ہی قطار میں بورڈ لگائیں جائیں۔ڈپٹی کمشنر امیرا بیدار نے ریڑھی بازار کی حالت کو مزید خوبصورت بنانے کی ہدایت کی۔