لیہ(نمائندہ لیہ ٹی وی)کمشنر ڈیرہ غازی خان ڈویژن اشفاق احمد نے ضلع لیہ کا ایک روزہ دورہ کیا۔ ڈپٹی کمشنر امیرا بیدار نے ڈی سی کمپلیکس آمد پر کمشنر ڈی جی خان ڈویژن اشفاق احمد کو خوش آمدید کہا ۔اس موقع پر کمشنر ڈی جی خان کو پولیس کے چاک و چوبند دستے نے سلامی پیش کی ۔ کمشنر ڈی جی خان اشفاق احمد نے ڈی سی کمپلیکس میں شجر کاری مہم کے تحت پودا لگایا ۔ ایڈیشنل ڈپٹی کمشنرز شاہد ملک، شبیر احمد ڈوگر ،اسسٹنٹ کمشنر حارث حمید خان، ڈی ایف او فضل الرحمان بھی موجودتھے۔
کمشنر ڈیرہ غازی خان ڈویژن اشفاق احمد نے لیہ کے ایک روزہ دورہ کے موقع پر ڈی سی کمیٹی روم میں ضلع میں وزیر اعلیٰ پنجاب انیشیٹوز اور ترقیاتی منصوبوں کے جائزہ اجلاس کی صدارت کی۔ کمشنر اشفاق احمد نے اجلاس سے خطاب کرتے ہوئے کہاکہ وزیراعلی پنجاب شہریوں کی فلاح وبہبود کے متعددمنصوبوں پر کام کررہی ہیں وزیر اعلیٰ پنجاب کے انیشیٹوز پر عملدرآمد کو یقینی بنایا جائے تاکہ عوام ثمرات سے حقیقی طورپرمستفید ہوسکیں۔انہو ں نے کہاکہ بروقت سروس ڈیلوری انتظامی اور متعلقہ افسران کی پہلی ذمہ داری ہے جسے جانفشانی سے ادا کیاجائے ۔انہوں نے کہاکہ ضلع لیہ میں ہیلتھ، تعلیمی انفراسٹرکچر بہترین ہے اوران میں مزید بہتری کے لیے سکوپ موجود ہے۔انہوںنے کہاکہ ایم ایم روڈ کی جلد تکمیل، یونیورسٹی آف لیہ کی بلڈنگ کا رہ جانے والا کام اور ضلع میں مزید تھانوں کے قیام کو ٹیک اپ کیا جائے۔کمشنرنے کہاکہ ماہ رمضان کے پیش نظر صارفین کو اشیاءخوردنوش میں ریلیف کی فراہمی کے لیے پرائس کنٹرول مجسٹریٹس متحرک کردار اداکریںگراں فروشوں اور ذخیرہ اندوزوں کے خلاف کریک ڈوان میں تیزی لائی جائے ۔انہوںنے کہاکہ ضلع میں قائم رمضان سہولت سٹالز پر صارفین کے لیے کوالٹی اشیاءرکھی جائیں جبکہ اشیاءکی دستیابی کو یقینی بنانے کے لیے سپلائی چین کو برقرار رکھاجائے۔کمشنر ڈیرہ غازی خان ڈویژن اشفاق احمدنے کہاکہ ستھرا پنجاب مہم کے بہترین نتائج کے لیے ویسٹ مینجمنٹ کمپنی کی مانیٹرنگ کے ساتھ تعاون جاری رکھا جائے تجاوزات کے خاتمہ کے لیے جاری مہم پر کوئی سمجھوتہ نہ کیاجائے سرکاری اراضی کی واگزاری اور ریونیوواجبات کی وصولی یقینی بنائی جائے۔انہوں نے کہاکہ حکومت پنجاب کپاس کے کاشتکاروں کو پیکج کی صورت میں سپورٹ فراہم کرنے کے لئے اقدامات کر رہی ہے ضلع میں کپاس کی کاشت کے ٹارگٹ کو حاصل کرنے کے لئے بھرپور کوشش کی جائے۔قبل ازیں کمشنر ڈی جی خان اشفاق احمد نے رورل ہیلتھ سنٹر جمن شاہ کا دورہ کیا۔ کمشنر ڈی جی خان نے رورل ہیلتھ سنٹر میں ری ویمپنگ کے کام کی کوالٹی چیک کی۔انہوں نے اس موقع پر کہاکہ حکومت پنجاب شہریوں کی صحت کے لیے گراں قدر خدمات انجام دئے رہی ہے۔انہوں نے کہاکہ ضلع میں جاری ری ویمپنگ کے کام میں کوالٹی پر کوئی سمجھوتہ نہ کیاجائے متعلقہ افسران ری ویمپنگ کی کوالٹی کو یقینی بنانے کے لےے روزانہ کی بنیادوں پر معائنہ کریں۔اس موقع پر سی ای او ہیلتھ ڈاکٹر شاہد ریاض اور ایکسین بلڈنگ سجاد حسین،ایس ڈی او بلڈنگز امین سہیل ملغانی نے اس موقع پر بریفنگ دی۔
