لیہ(نمائندہ لیہ ٹی وی)وزیر اعلیٰ پنجاب مریم نواز شریف کے وژن کے مطابق گڈ گورننس کے لئے بھرپور اقدامات اٹھائے جا رہے ہیں۔ ضلع میں اس وقت عوامی فلاح و بہبود کی 39 ترقیاتی سکیموں پر کام جاری ہے جن میں 26 جاری جبکہ 13 نئی سکیمیں شامل ہیں جن پر مجموعی طور پر 16843 ملین سے زائد لاگت آئے گی۔ یہ بات ڈپٹی کمشنر امیرا بیدار نے کمشنر ڈی جی خان ڈویژن چوہدری اشفاق احمد کی زیر صدارت ویڈیو لنک اجلاس میں بریفنگ دیتے ہوئے بتائی۔ ڈپٹی کمشنر نے بتایا کہ ضلع میں 41 صحت مراکز اور 5 کلینک آن وہیلز سے صحت جبکہ 1376 سکولوں، 19 کالجوں اور 2 یونیورسٹیوں سے تعلیم کی سہولیات فراہم کی جا رہی ہیں۔ اجلاس میں بتایا گیا کہ وزیر اعلیٰ ستھرا پنجاب پروگرام پر عملدرآمد جاری ہے جبکہ تجاوزات کے خلاف بھرپور آپریشن کیا جا رہا ہے۔ گرین بیلٹس ، پارکوں اور سٹریٹ لائٹس کی بحالی کا کام روزانہ کی بنیاد پر کیا جا رہا ہے۔بریفنگ میں بتایا گیا کہ نشیب میں دریائی کٹاو¿ کو روکنے کے لئے موضع راکھواں میں سٹڈ بند لگائے گئے ہیں جبکہ مونگڑھ میں علاقہ کو محفوظ رکھنے کے لئے اقدامات اٹھائے گئے ہیں۔ ڈپٹی کمشنر نے بتایا کہ وزیر اعلیٰ کے پی آئی( بنیادی کارکردگی اشاریوں) میں ضلع لیہ گزشتہ 35 ہفتوں میں ڈویژن بھر میں 21 مرتبہ پہلی جبکہ مارچ سے اکتوبر تک پنجاب بھر میں چوتھی رینکنگ پر رہا۔ ڈپٹی کمشنر نے بتایا کہ چوک اعظم فتح پور ایم ایم روڈ کی تعمیر کے لئے بھی اقدامات اٹھائے جا رہے ہیں۔
