لیہ(نمائندہ لیہ ٹی وی)بدعنوانی، اختیارات کے ناجائز استعمال کو روکنے اور محکمانہ کارکردگی کو بہتر بنانے کے لئے احتساب کا عمل جاری ہے۔ ڈی پی او محمد علی وسیم نے منعقدہ اردل روم میں شوکاز نوٹس کے جوابات تسلی بخش نہ ہونے پر متعدد افسران کو سزائیں دیں۔تفصیلات کے مطابق، ناقص کارکردگی اور اشتہاری ملزم کی گرفتاری نہ کرنے پر دو افسران کی ایک سال کی سروس ضبط کر دی گئی۔ اس کے علاوہ، پارسل میں تاخیر سے جمع کروانے پر ایک پولیس افسر کی ایک سال کی سروس ضبط کی گئی۔ اشتہاری ملزمان کے خلاف کارروائی نہ کرنے پر دو افسران کی چھ ماہ کی سروس ضبط کی گئی۔اس کے علاوہ، مقدمہ بروقت یکسونہ نہ کرنے اور پارسل میں تاخیر کرنے پر پانچ افسران کی تین ماہ کی سروس ضبط کی گئی۔ 12 افسران کے جوابات تسلی بخش ہونے پر ان کے شوکاز نوٹس داخل دفتر کر دیے گئے۔ ڈی پی او محمد علی وسیم نے کہا کہ اچھی کارکردگی کو سراہا جائے گا، جب کہ ناقص کارکردگی پر افسران کی سرزنش کی جائے گی تاکہ محکمانہ کارکردگی میں مزید بہتری لائی جا سکے۔
