لیہ(نمائندہ لیہ ٹی وی)لیہ کی پہلی خاتون ڈپٹی کمشنرامیرا بیدار کا خواتین کے لیے پنک گیمز اور مینابازار کروانے کا فیصلہ۔لیہ کی تاریخ میں پہلی مرتبہ پنک گیمزکی تمام سرگرمیوں میں صرف خواتین شرکت کریں گی۔پنک گیمزمیں کھیلوں کے مقابلے ، ہمہ قسمی سٹالز،مشاعرہ ،موسیقی،تفریحی مقابلے،کوکنگ ودیگرسرگرمیاں کی جائیں گی۔تفصیل کے مطابق ڈپٹی کمشنرامیرابیدا ر کی زیرصدارت پنک گیمزکاجائزہ اجلاس منعقدہوا۔اجلاس میں اسسٹنٹ کمشنر چوبارہ ثنااللہ ہنجرا،ڈسٹرکٹ سپورٹس آفیسرامتیا زاحمدبھٹی،ڈپٹی ڈی ای او تعلیم ،ضلع کونسل حکام ودیگرموجودتھے۔ ڈپٹی کمشنرامیرا بیدارنے اجلاس سے خطاب کرتے ہوئے کہاکہ ضلع میںخواتین کو کھیل اور تفریحی سرگرمیاں دینے کے لیے سپورٹس کمپلیکس میں صرف خواتین کے لیے پنک گیمزمنعقدکروانے کا فیصلہ کیاگیا ہے جس میں میلہ جیساماحول بنایاجائے گااو ر مینابازار کا انعقاد کیاجائےگا۔ انہوں نے کہاکہ پنک گیمزمیں ہاکی،فٹ بال،والی بال،بیڈمنٹن کے مقابلے کروائے جائیں گے جس کے ساتھ خواتین کا محفل مشاعرہ،محفل موسیقی،کوکنگ مقابلوں کابھی اہتمام کیاجائے گا۔انہوںنے مزید کہاکہ صنعت زار،محکمہ صحت،ریسکیو کی خواتین اہلکار اپنے فیلڈسے متعلقہ آگاہی دیں گی۔انہون نے مزید کہاکہ دوسری تحصیلوں سے آنے والی بچیوں کو فری ٹرانسپورٹ کی سہولت بھی میسرآئے گا۔ڈپٹی کمشنر نے ڈی ایس او امتیاز احمدبھٹی کوپنک گیمزکے انتظامات کو حتمی شکل دینے کی ہدایت کی۔
