لیہ(نمائندہ جنگ )وزیراعلی پنجاب مریم نواز شریف کے احکامات پر ضلع بھر میں ستھراپنجاب پروگرام کامیابی سے جاری ہے متعلقہ افسران روزانہ کی بنیادپر صفائی کی مانیٹرنگ کررہے ہیں تاکہ شہریوں کو بہترین ماحول فراہم کیاجاسکے۔ڈپٹی کمشنر امیرابیدار کی ہدایت پر ایڈیشنل ڈپٹی کمشنر جنرل وفوکل پرسن شبیر احمدڈوگر نے شہر کے مختلف محلوں کادورہ کیااورصفائی کے عمل کا معائنہ کیا۔انہوںنے کہاکہ ستھرا پنجاب مہم کے تحت صفائی کاعمل جاری ہے سینٹری سٹاف روزانہ کی بنیادپر صفا ئی کررہاہے ہیوی مشینری کے ساتھ کوڑے کے ڈھیروں کو اٹھاکر ڈمپنگ پوائنٹس پر ٹھکانے لگایا جا رہا ہے۔ انہو ںنے کہاکہ وزیر اعلیٰ پنجاب مریم نواز کے ستھرا پنجاب ویژن کو کامیاب بنانے کیلئے تمام صلاحیتیں بروئے کار لائی جائیں۔اے ڈی سی جی نے صفائی اور سیوریج لائن کی صفائی کو مزید بہترکرنے کی ہدایت کی۔
