ملتان(لیہ ٹی وی)کیتھولک کمیشن برائے بین المذاہب و بین الکلیسائی مکالمہ پاکستان اور ملتان ڈاؤسیسن ہارمنی فورم کے زیر اہتمام کیتھولک چرچ ملتان میں ہندو برادری کے مذہبی تہوار دیوالی کے موقع پر خصوصی تقریب منعقد کی گئی جس کی صدارت بشپ آف ملتان بشپ یوسف سوہن نے کی جبکہ تقریب میں بکیتھولک کمیشن برائے بین المذاہب و بین الکلیسائی مکالمہ پاکستان کے ایگزیکٹیو سیکریٹری سیموئیل کلیمنٹ،فادر ڈینیئل تاج،سرفراز کلیمنٹ،علامہ ڈاکٹرمحمد ارشد علی بلوچ، پروفیسر عبد الماجد وٹو،بشارت عباس قریشی،پنڈت راج کپو،مہک اجمل، شفیق انصاری،،شہباز ناظم،حنا سلمان، امروز گل،مریم غازی،شازر گل نے بھی شرکت کی۔اس موقع پر گفتگو کرتے ہوئے بشپ یوسف سوہن نے کہا ہے کہ بین المذاہب ہم آہنگی وقت کی اہم ضرورت ہے پاکستان میں بسنے والے تمام مذاہب کے لوگ پرامن اور محب وطن ہیں جو کہ ملک و قوم کی تعمیر وترقی میں اہم کردار ادا کر رہے ہیں انہوں نے کہا کہ ہے کہ آج مجھے نہایت خوشی محسوس ہو رہی ہے کہ کیتھولک چرچ میں مسلم مسیحی علماء کرام مل کر ہندو کمیونٹی کے خوشی کے تہوار دیوالی کو مناکر ہندو قوم کے ساتھ اظہار یکجہتی کر رہے ہیں انہوں نے کہا کہ میں اپنے مسلم۔مسیحی اور ہندو بھائیوں کا شکر گزار ہوں کہ آپ ہمارے دعوت کو قبول کرتے ہوئے تشریف لاکر محب وطن اور امن پسند ہونے کا ثبوت دیتے ہیں۔
