کمشنر ملتان ڈویژن و چیئرپرسن تعلیمی بورڈ مریم خان کی زیر صدارت تعلیمی بورڈ ملتان کے پروموشنل بورڈ کا اجلاس ، گریڈ 16 کے 3 اسسٹنٹ کو گریڈ 17 میں سپرٹنڈنٹ کی سیٹ پر ترقی دیدی

ملتان(نمائندہ لیہ ٹی وی)کمشنر ملتان ڈویژن و چیئرپرسن تعلیمی بورڈ مریم خان کی زیر صدارت تعلیمی بورڈ ملتان کے پروموشنل بورڈ کا اجلاس منعقد ہوا۔بورڈ نے گریڈ 16 کے 3 اسسٹنٹ کو گریڈ 17 میں سپرٹنڈنٹ کی سیٹ پر ترقی دیدی۔ترقی پانے والوں میں محمد سعید احمد،محمد شفیق، نزاکت علی شامل ہیں۔ کمشنر و چیئرپرسن تعلیمی بورڈ مریم خان کی تمام ترقی پانے والے ملازمین کو مبارکباد دیتے ہوئے کہا کہ دیانت داری سے کام کرنا افسران و ملازمین کا طرہ امتیاز ہے۔ ترقی پانے کے بعد تمام افسران مزید محنت اور دلجمعی سے کام کریں۔