لیہ: وزیراعلیٰ پنجاب مریم نواز شریف کے احکامات پر ضلع لیہ میں تجاوزات کے خاتمے کے لیے کارروائیاں جاری ہیں۔ اس سلسلے میں پنجاب انفورسمنٹ اینڈ ریگولیٹری اتھارٹی (پیرا) لیہ کی جانب سے شہر کے مختلف مقامات پر انسدادِ تجاوزات آپریشن کیا گیا۔ایس ڈی ای او پیرا قسور خان دریشک نے آپریشن میں حصہ لیتے ہوئے سڑکوں، گلیوں اور عوامی مقامات پر قائم تجاوزات کا خاتمہ کیا۔ اس اقدام کا مقصد شہریوں کو آمدورفت میں سہولت فراہم کرنا اور ٹریفک کی روانی بہتر بنانا ہے۔اس موقع پر قسور خان دریشک نے کہا کہ تجاوزات عوامی آمدورفت میں رکاوٹ اور شہری سہولیات میں مشکلات کا سبب بنتی ہیں۔ شہر کو تجاوزات سے پاک رکھنے کے لیے بلاامتیاز کارروائیاں جاری رہیں گی، جبکہ شہری بھی اس سلسلے میں انتظامیہ سے تعاون کریں۔







