لَیَّہ میں زائدالمیعاد مشروبات فروخت کرنے والوں کے خلاف پنجاب فوڈ اتھارٹی کا بڑا ایکشن فتح پور ٹول پلازہ کے قریب ویئر ہاؤس پر چھاپہ، 600 لیٹر ایکسپائرڈ ڈرنکس تلف، یونٹ مالک کو 50 ہزار روپے جرمانہ

لَیَّہ (نمائندہ لیہ ٹی وی)زائدالمیعاد مشروبات فروخت کرنے والوں کے خلاف پنجاب فوڈ اتھارٹی نے کارروائی کرتے ہوئے فتح پور ٹول پلازہ کے قریب واقع ایک ویئر ہاؤس پر چھاپہ مار کر بھاری مقدار میں زائدالمیعاد کاربونیٹڈ ڈرنکس تلف کر دیں جبکہ یونٹ مالک کو 50 ہزار روپے جرمانہ بھی عائد کر دیا گیا۔تفصیلات کے مطابق ڈپٹی ڈائریکٹر آپریشنز کی سربراہی میں فوڈ سیفٹی ٹیم نے فتح پور ٹول پلازہ کے قریب ویئر ہاؤس پر کارروائی کی۔ دورانِ چیکنگ ویئر ہاؤس میں بھاری مقدار میں زائدالمیعاد کاربونیٹڈ ڈرنکس کی موجودگی پائی گئی جبکہ بوتلوں کی ایکسپائری ڈیٹ کا کوئی واضح ریکارڈ بھی پیش نہ کیا جا سکا۔پنجاب فوڈ اتھارٹی حکام نے قوانین کی خلاف ورزی پر یونٹ مالک کو 50 ہزار روپے جرمانہ عائد کرنے کے ساتھ ساتھ تقریباً 600 لیٹر زائدالمیعاد مشروبات موقع پر ہی تلف کر دیے۔ڈی جی پنجاب فوڈ اتھارٹی نے شہریوں کو ہدایت کی ہے کہ وہ مشروبات یا دیگر اشیائے خورونوش خریدتے وقت ایکسپائری ڈیٹ لازمی چیک کریں تاکہ صحت کے ممکنہ خطرات سے محفوظ رہا جا سکے۔