ضلع لیہ میں خصوصی صفائی مہم تیز، سکولوں میں زیبرا کراسنگ اور شجرکاری کا آغاز وزیراعلیٰ پنجاب کے وژن کے تحت ڈیپ کلین مہم جاری، طلبہ کے تحفظ کیلئے سکولوں کے باہر حفاظتی اقدامات شروع

لیہ(نمائندہ لیہ ٹی وی)وزیر اعلیٰ پنجاب مریم نواز شریف کے وژن کے مطابق ضلع لیہ میں دو روزہ خصوصی صفائی ستھرائی مہم جاری ہے۔ ڈپٹی کمشنر آصف علی ڈوگر کی ہدایت پر مختلف محکمے اپنی متعلقہ حدود میں ڈیپ کلین مہم کی کامیابی کے لئے اقدامات اٹھا رہے ہیں۔ اس سلسلہ میں سکول ایجوکیشن اتھارٹی کی طرف سے تمام سکولوں میں گراؤنڈ، گراسی پلاٹس کی بحالی، شجر کاری، صفائی ستھرائی کے علاوہ زیبرا کراسنگ لگائی جا رہی ہیں۔ چیف ایگزیکٹو آفیسر تعلیم ڈاکٹر محمد قیوم خان نے بتایا کہ تمام سکولوں میں خصوصی صفائی ستھرائی اور بحالی مہم کے تحت اقدامات اٹھائے جا رہے ہیں اور سکول ہیڈز کو ضروری ہدایات جاری کر دی گئی ہیں۔ انہوں نے کہا کہ طلبہ کے تحفظ کے لئے سکولوں کے سامنے سڑکوں پر زیبرا کراسنگ لگوائی جا رہی ہیں اور طلبہ کو بھی ٹریفک سینس بارے آگہی دی جا رہی ہے۔ انہوں نے بتایا کہ مہم کے تحت سکولوں میں شجر کاری بھی کی جا رہی ہے۔