خصوصی افراد کو معاشرے میں باعزت اور باوقار زندگی گزارنے کے لیے مساوی مواقع فراہم کرنا حکومت کی ترجیحات میں شامل ہے،شبیر احمد ڈوگر

لیہ( نمائندہ جنگ) ایڈیشنل ڈپٹی کمشنر جنرل شبیر احمد ڈوگر کی زیر صدارت خصوصی افراد کی بحالی اور فلاح و بہبود کے حوالے سے اجلاس منعقد ہوا۔ اجلاس میں سی ای ای او تعلیم ڈاکٹر عبدالقیوم،ڈپٹی ڈائیریکٹر سوشل ویلفیئر خضر حیات،ڈی ای او گل شیر،ڈاکٹر محمد یونس کلیہ،فوکل پرسن اسلم سہو،لیبر انسپکٹر محمد افضل،نمائندہ خصوصی افراد ضیا الرحمان ودیگر موجود ٹھے۔اجلاس میں خصوصی افراد کی بحالی کے لیے جاری اقدامات کا تفصیلی جائزہ لیا گیا۔ایڈیشنل ڈپٹی کمشنر جنرل شبیر احمد ڈوگر نے اجلاس سے خطاب کرتے ہوئے کہا کہ خصوصی افراد معاشرے کا اہم حصہ ہیں اور حکومت پنجاب ان کی فلاح و بہبود اور بحالی کے لیے مختلف اقدامات کر رہی ہے۔ انہوں نے کہا کہ خصوصی افراد کو معاشرے میں باعزت اور باوقار زندگی گزارنے کے لیے مساوی مواقع فراہم کرنا حکومت کی ترجیحات میں شامل ہے۔انہوں نے مزید کہا کہ وزیر اعلی پنجاب کی ہدایات کے مطابق خصوصی افراد کی معاونت کے لیے مختلف فلاحی پروگرامز جاری ہیں جن میں ہمت کارڈ کے ذریعے مالی معاونت کی فراہمی بھی شامل ہے اس اقدام سے خصوصی افراد کو معاشی سہارا مل رہا ہے اور وہ اپنی ضروریات بہتر طریقے سے پوری کر سکتے ہیں ایڈیشنل ڈپٹی کمشنر جنرل نے متعلقہ محکموں کو ہدایت کی کہ خصوصی افراد کی بحالی اور فلاح کے لیے جاری منصوبوں پر مؤثر انداز میں عملدرآمد کو یقینی بنایا جائے اور ایسے اقدامات کیے جائیں جن سے انہیں تعلیم، روزگار اور دیگر بنیادی سہولیات تک بہتر رسائی حاصل ہو سکے۔ انہوں نے کہا کہ ضلعی انتظامیہ خصوصی افراد کے مسائل کے حل اور ان کی سہولت کے لیے ہر ممکن اقدامات جاری رکھے گی۔