لیہ(نمائندہ لیہ ٹی وی)لیہ(نمائندہ لیہ ٹی وی) وزیر اعلیٰ پنجاب مریم نواز شریف کے وژن گرین پنجاب مہم کے تحت شجر کاری جاری۔ ڈپٹی کمشنر آصف علی ڈوگر اور ڈسٹرکٹ پولیس آفیسر حسن جاوید نے کیمپ آفس کے سبزہ زار میں پودے لگائے۔ ایڈیشنل ڈپٹی کمشنر جنرل شبیر احمد ڈوگر بھی ان کے ہمراہ تھے۔ ڈپٹی کمشنر آصف علی ڈوگر نے اس موقع پر گفتگو کرتے ہوئے کہا کہ درخت اور پودے زمین کا حسن اور زندگی کے لئے نہایت ضروری ہیں۔ گلوبل وارمنگ کا مقابلہ صرف اور صرف زیادہ سے زیادہ پودوں اور درختوں سے ہی ممکن ہے۔ انہوں نے کہا کہ وزیر اعلیٰ پنجاب مریم نواز شریف کی طرف سے گرین پنجاب سلوگن دیا گیا ہے اور اس کے لئے ہر فرد کو کردار ادا کرنا ہوگا۔ دریں اثناء ڈپٹی کمشنر آصف علی ڈوگر نے سہولت آن دا گو بازار لیہ مائنر اور ٹی ڈی اے چوک پر جاری کام کا معائنہ کیا اور ہدایت کی کہ تمام کام جلد از جلد مکمل کیا جائے۔
