لیہ(نمائندہ لیہ ٹی وی) رمضان المبارک میں صارفین کو ریلیف کی فراہمی کا عمل جاری۔ اشیاء خوردونوش کی مقررہ قیمتوں پر فروخت کو یقینی بنایا جا رہا ہے۔ ڈپٹی کمشنر آصف علی ڈوگر کی ہدایت پر پرائس کنٹرول مجسٹریٹس ضلع بھر میں فعال و متحرک کردار ادا کر رہے ہیں۔ اس سلسلہ میں ڈسٹرکٹ فوڈ کنٹرولر سید ندیم عباس نے چوک اعظم مارکیٹ کا دورہ کیا اور اشیاء خوردونوش خصوصاً آٹے کی دستیابی اور مقررہ نرخ کی پڑتال کی۔ اسی طرح پرائس کنٹرول مجسٹریٹ شبانہ رشید نے لیہ سٹی جبکہ ڈاکٹر عارف شاہ نے کروڑ لعل عیسن مارکیٹ میں قیمتوں کی پڑتال، اشیاء کی دستیابی اور ریٹ لسٹ کی موجودگی کا معائنہ کیا۔
