لیہ(نمائندہ لیہ ٹی وی) محکمہ زراعت توسیع لیہ اور نجی فرٹیلائزرز کمپنی کی زیر اہتمام مقامی مارکی میں اگیتی کاشت کپاس کی ترویج اور کماد کی فی ایکڑ بہتر پیداوار کے لیے میگا فارمر ڈے کا انعقاد کیا گیا۔ سیمینار میں ڈپٹی ڈائریکٹر زراعت توسیع لیہ شیخ عاشق حسین ، تھل شوگر ملز کی جنرل منیجر منور خان بزدار، اسسٹنٹ ڈائریکٹر زراعت توسیع لیہ محمد طلحہ شیخ اور فاطمہ فرٹیلائزرز کمپنی کے بزنس منیجر چودھری عثمان غنی نے بطور مہمان خصوصی شرکت۔ ڈپٹی ڈائریکٹر زراعت توسیع لیہ شیخ عاشق حسین نے کاشتکاروں کو حکومت پنجاب کی طرف سے لیے گئے اقدامات کے بارے تفصیلی جائزہ دیا جس میں کسان کارڈ ، گرین ٹریکٹرز سکیم ، فارم میکانائزیشن پروگرام ، زرعی ماڈل فارم، پیداواری مقابلہ جات برائے گندم ،زمین اور مٹی کی تجزیاتی موبائل لیبارٹریوں کی تحصیل کی سطح پر فراہمی اور اپنا کھیت اپنا روزگار سکیم کے متعلق تفصیل کیساتھ بیان کیا۔محمد طلحہ شیخ اسسٹنٹ ڈائریکٹر زراعت توسیع لیہ نے اپنے خطاب میں کہا کہ اگیتی کپاس کی کاشت زیادہ سے زیادہ رقبہ پر کریں۔انہوں نے نے کاشتکاروں کو اگیتی کاشت کپاس کے بارے مفصل پیداواری ٹیکنالوجی سے روشناس کروایا اور نیز ٹرپل جینز اقسام کی افادیت کے بارے راہنمائی مہیا کی گئی۔شاھد اقبال ٹیکنیکل مینیجر فاطمہ فرٹیلائزرز نے اپنے خطاب میں کہا کہ نائٹروجن فصل کی تیزی سے بڑھوتری اور قدآور گنے کے لیے انتہائی اہم ہے۔ فاسفورس جڑوں کو مضبوط بناتا ہے اور ابتدائی نشوونما میں مدد کرتا ہے۔پوٹاشیم گنے کو موٹا اور لاٹھی کو مضبوط کرتا ہے۔ مائیکرو نیوٹرینٹس (زنک، بوران): جڑوں کی مضبوطی اور اچھی فصل کے لیے ضروری ہیں۔ مظفر خان بزدار جنرل منیجر تھل شوگر ملز نے اپنے خطاب میں زمینداروں پر زور دیا کہ وہ کماد کی ترقی دادہ اقسام کا بیج، فنجی سائیڈ استعمال کرکے استعمال کریں۔ کھادوں کا متناسب استعمال کو یقینی بنائیں ، شوگر مل کاشتکاروں کو ھر ممکن سہولیات فراہم کرے گی۔ تقریب سے چودھری عثمان غنی نے بھی خطاب کیا۔ اس پروگرام میں علاقہ بھر سے کاشتکاروں کثیر تعداد میں شرکت کی۔ کاشتکاروں نے اپنے اپنے زرعی مسائل کے متعلق تمام ماہرین سے تفصیلی سوالات کرکے جوابات بھی حاصل کیے۔
