لیہ(نمائندہ لیہ ٹی وی) مقتولین کے پوسٹ مارٹم اور زخمیوں کے لیے میڈیسن باہر سے منگوانے کا واقعہ فتح پور ہسپتال کے ڈیوٹی ڈاکٹر، عملہ کے خلاف انکوائری شروع واقعات کے مطابق گزشتہ سے پیوستہ روز فتح پور کے نواحی چک 103 ایم ایل میں باپ بیٹے کے دوہرے قتل اور چچا بھتیجا کے زخمی ہونے کے بعد زخمیوں کا فتح پور ہسپتال میں علاج شروع کیا گیا جہاں مقتولین باپ بیٹا کے پوسٹ مارٹم و زخمیوں کے علاج معالجہ کے لیے مقتول فریق سے میڈیسن باہر سے منگوانے کا واقعہ سو شل میڈیا پر وائرل ہونے کے بعد ڈپٹی کمشنر لیہ محمد اصف ڈوگر نے نوٹس لیتے ہوئے سی او ہیلتھ لیہ ڈاکٹر شاہد ریاض کو انکوائری کرنے کے احکامات جاری کیے جس پر سی ای او ہیلتھ نے ڈپٹی ڈسٹرکٹ ہیلتھ آفیسر ڈاکٹر نعیم الحسن سواگ اور سپرنٹینڈنٹ چوہدری محمد یعقوب گجر کو انکوائری افیسر مقرر کرتے ہوئے دو دن میں رپورٹ طلب کر لی
