ملتان: بہاءالدین زکریا یونیورسٹی میں "تعمیر ملت میں فکر اقبال کا کردار” پر سیمینار کا انعقاد

ملتان:(لیہ ٹی وی) فیکلٹی آف فوڈ سائنس اینڈ نیوٹریشن بہاءالدین زکریا یونیورسٹی ملتان کے زیر اہتمام تعمیر ملت میں فکر اقبال کا کردار کے موضوع پر ایک سیمینار کا اہتمام کیا گیا۔ جس میں پروفیسر ڈاکٹر بسم اللہ سابق پرنسپل فیکلٹی آف ایگریکلچر، جامعۂ بہاءالدین زکریا ملتان نے بطور مہمان خصوصی شرکت کی۔ تقریب کے منتظمین میں پروفیسر ڈاکٹر محمد ریاض چیئرمین ڈیپارٹمنٹ آف فوڈ سیفٹی ،پروفیسر ڈاکٹر محمد توصیف سلطان چیئرمین ڈیپارٹمنٹ ہیومن نیوٹریشن، ڈاکٹر طارق اسماعیل چیئرمین ڈیپارٹمنٹ آف فوڈ سائنس، اور ڈاکٹر انیلہ حمید چیئرمین ڈیپارٹمنٹ آف ڈیری ٹیکنالوجی شاملِ تھے۔ پروفیسر ڈاکٹر بسم اللہ نے طلبہ اور طالبہ کے ساتھ تفصیلی بات چیت کی اور اقبال کے فکری اور عملی زندگی کو طلبہ اور ان کے سامنے رکھا تاکہ اج کی نوجوان نسل بھی ان اسلوب اور کردار کو اپنانے کے قابل بن سکیں جو ایک زندہ قوم کی عکاسی کرتے ہیں اس موقع پرپروفیسر ڈاکٹر محمد ریاض اور پروفیسر ڈاکٹر محمد توصیف نے اقبال کے خودی اور اپنے اپ کو پہچاننے کے پیغام پر روشنی ڈالی۔ اس لیے اس طرح کے سیمینارز کا انعقاد طلبہ کی فکری اور ذہنی نشونما کے لیے بہت ضروری ہے۔ تقریب کے اختتام پر ڈاکٹر طارق، ،ڈاکٹر انیلہ حمید نے تمام دیگر فیکلٹی جس میں ڈاکٹر عامر اسماعیل،ڈاکٹر سمیم جاوید ،ڈاکٹر خرم افضل اور ڈاکٹر عدنان امجد شامل تھے، اختتامیہ میں تمام شرکاء کا مہمان خصوصی کے ساتھ گروپ فوٹو کا اہتمام کیا گیا۔