لیہ (نمائندہ لیہ ٹی وی) آکسفورڈ پریس پبلیکشنز نے ضلع بھر کے پرائیویٹ تعلیمی اداروں کے سربراہان، پرنسپلز اور اساتذہ کے لیے ایک ٹریننگ ورکشاپ کا انعقاد کیا جس کا مقصد اساتذہ کی استعداد کار کو بڑھانا تھا۔ ورکشاپ میں آکسفورڈ پریس پبلیکشنز کی نئی سیریز بکس کی لانچنگ بھی کی گئی۔
تقریب میں فیڈریشن آف پرائیویٹ سکولز ضلع کے صدر مہر شفیق تھند سمیت دیگر عہدے داران نے شرکت کی اور اساتذہ کی تربیت کے اس اقدام کو خوش آئند قرار دیا۔آکسفورڈ پریس پبلیکشنز کی ماسٹر ٹرینر فاطمہ افتخار ، نے اساتذہ و سکول پرنسپلز کو مفید تربیت فراہم کی، جبکہ مارکیٹنگ سیلز منیجر شیراز عارف اور اسسٹنٹ منیجر سیلز محمد عرفان چوہدری نے شرکاء کو خوش آمدید کہا۔ اس پروگرام میں لیہ میڈیا ہاوس کی ٹیم نے بھی شرکت کی، جن میں مہر محمد کامران تھند (اخبار لیہ)، غلام جیلانی (ڈان نیوز)، محمد آصف کھرل (کیپیٹل نیوز)، عبدالرب نشتر (تھلوچی نیوز اسلام آباد)، معین علوی (میری آواز)، منیر احمد کھوکھر (سنگ بے آب)، اور محمد اجمل خان شامل تھے۔
