لیہ (نمائندہ لیہ ٹی وی) – اسسٹنٹ کمشنر حارث حمید خان نے فروٹ و سبزی منڈی کا معائنہ کیا اور مارکیٹ میں سبزیوں و پھلوں کے نرخوں کو مستحکم رکھنے اور ذخیرہ اندوزی کے خاتمے کے لیے اقدامات کی ضرورت پر زور دیا۔ انہوں نے کہا کہ سبزی منڈیوں کا معائنہ اور بولی کی مانیٹرنگ کا عمل جاری رکھا جائے گا تاکہ قیمتوں پر قابو پایا جا سکے۔ حارث حمید خان نے فروٹ و سبزیوں کی نیلامی کے عمل کا بھی جائزہ لیا اور ہدایت کی کہ سٹاک کا رجسٹر میں اندراج ضروری ہے۔ مارکیٹ کمیٹی کے حکام کو پھلوں و سبزیوں کے نرخ پر کڑی نظر رکھنے اور مارکیٹ کے لیے حقیقی قیمتیں مقرر کرنے کی ہدایت دی۔ اس کے علاوہ، انہوں نے ڈی ایچ کیو ہسپتال کا بھی معائنہ کیا۔ اس دوران، انہوں نے ہسپتال کی صفائی ستھرائی اور ڈیوٹی روسٹر کو چیک کیا اور مریضوں سے ہسپتال کی سہولتوں کے بارے میں دریافت کیا۔ اس موقع پر ایم ایس ڈی ایچ کیو ہسپتال ڈاکٹر محی الدین بھی ان کے ہمراہ تھے۔
