کراچی (لیہ ٹی وی)نیو ایم اے جناح روڈ پر واقع پردہ پارک کے قریب گزشتہ روز پولیس مقابلے کی سی سی ٹی وی ویڈیو منظر عام پر آ گئی ہے۔ویڈیو میں دیکھا جا سکتا ہے کہ موٹر سائیکل پر سوار دو پولیس اہلکار ایک ڈاکو کا پیچھا کرتے ہوئے گلی میں پہنچے، جہاں ڈاکو نے پستول پھینک کر موٹر سائیکل سے نیچے گر کر ہاتھ اوپر کر دیے اور سرینڈر کرنے کی کوشش کی۔ اس کے باوجود پولیس اہلکار نے فائرنگ جاری رکھی۔فائرنگ کی آواز سن کر لوگ بڑی تعداد میں جمع ہو گئے۔ ڈاکو ہلاک ہونے سے پہلے پولیس اہلکار کے سامنے ہاتھ جوڑتا رہا، لیکن پولیس اہلکار اس پر تشدد کرتا رہا۔پولیس کے مطابق، ہلاک ہونے والا ملزم منیر مختلف جرائم میں ملوث تھا اور اس کے خلاف 5 تھانوں میں مقدمات درج تھے۔
