ملتان(لیہ ٹی وی)36 سینیر مینجمنٹ کورس افسران کے وفد نے کمشنر مریم خان سے ملاقات کی۔ اس موقع پر کمشنر مریم خان نے کہا کہ ٹریننگ کورسز افسران کی شخصیت سازی میں اہم کردار ادا کرتے ہیں.اپنے کیرئیر کے دوران ایمانداری سے کام کرنا ہی افسران کا طرہ امتیاز ہے۔ ڈویژن کے ترقی و خوشحالی کےلئے مختلف شعبوں میں سرمایہ کاری کی جارہی ہے۔
شہر میں بڑے پیمانے پر شجرکاری کی جارہی ہے۔ خطے کی ثقافت، کلچر کو اجاگر کرنا بہت ضروری ہے۔ ڈپٹی کمشنر وسیم حامد سندھو ایڈیشنل کمشنر عبدالجبار، اسسٹنٹ کمشنرز، ترقیاتی محکموں کے افسران اجلاس میں موجود تھے۔وفد نے ملتان کے مختلف امور بارے سوالات کئے۔ بعد ازاں 36 ویں سینئر مینجمنٹ کورس کے وفد کی جانب سے کمشنر ملتان کو سوئنئر دیا گیا جبکہکمشنر مریم خان نے وفد کو یادگاری شیلڈ پیش کی۔
