لیہ(نمائندہ لیہ ٹی وی)چوک اعظم مویشی منڈی میں سادہ لوح زمینداروں کو لوٹنے والا گینگ زمینداروں کے ہتھے چڑھ گیا ، متاثرین محمد سرور،خالد محمود ،محمد رشید کے مطابق گینگ قیمتی بکرے سستے داموں خریدنے کے لئے بکروں کو ٹیکے لگا کر بیہوش کر دیتے ہیں۔
بکرے بیہوش ہونے پر انتہائی سستے داموں بکرے خرید کر لیتے ہیں۔گینگ میں رشید احمد ،نوید ،عبدالرشید ،بھولا نامی افراد شامل ہیں ،لاہور کے رہائشی بتائے جاتے ہیں ، شک گزرنے پر جانوروںمالکان نے گینگ کا تعاقب کیا اور پکڑ لیا گینگ کے قبضہ سے بے ہوش کرنے والے انجیکشن برآمد کرلئے، مالکان نے بے ہوش بکرے بھی گینگ سے برآمد کر لئے ،گینگ کو پولیس کے حوالے کر دیا ،فراڈیا گینگ کو تھانہ منتقل کرکےتفتیش کا آغاز کردیا گیا ،متاثرین محمد سرور،خالد محمود ،محمد رشید نے تھانہ چوک اعظم درخواستیں گزار دیں ،متاثرین کا ڈی پی او لیہ سے گینگ کے خلاف سخت کاروائی کا مطالبہ کردیا
