لیہ: وزیراعلیٰ پنجاب مریم نواز شریف کے ویژن کے مطابق ستھرا پنجاب مہم کے تحت صفائی ستھرائی کے مؤثر انتظامات اور 11ویں تھل جیپ ریلی کی تیاریوں کا جائزہ لینے کے لیے ایڈیشنل ڈپٹی کمشنر میونسپل سروسز شبیر احمد ڈوگر نے تحصیل چوبارہ کے مختلف علاقوں کا دورہ کیا۔ اس موقع پر انہوں نے تھل جیپ ریلی کے انتظامات، روٹ کی دیکھ بھال اور سکیورٹی اقدامات کا معائنہ کیا۔ انہوں نے متعلقہ افسران کو ہدایت کی کہ ریلی کے روٹ اور اطراف میں صفائی ستھرائی کے خصوصی انتظامات کیے جائیں اور ویسٹ مینجمنٹ کے نظام کو مؤثر بنایا جائے تاکہ شائقین اور سیاحوں کو صاف ستھرا ماحول فراہم کیا جا سکے۔ ایڈیشنل ڈپٹی کمشنر نے ہدایت کی کہ تھل جیپ ریلی اور لیہ تھل میلہ کے دوران صفائی ستھرائی کے معیار کو برقرار رکھنے کے لیے متعلقہ عملہ متحرک رہے اور تمام انتظامات بروقت مکمل کیے جائیں۔
