لیہ: ڈپٹی کمشنر لیہ آصف علی ڈوگر کی ہدایت پر شہر کی خوبصورتی، گرین بیلٹس، شجرکاری اور ان کی پائیداری کے حوالے سے اجلاس منعقد ہوا۔ اجلاس میں اسسٹنٹ ڈائریکٹر ڈویلپمنٹ اسحاق کھیرانی، سی او ضلع کونسل و دیگر افسران موجود تھے۔ اجلاس میں شہر میں جاری بیوٹیفکیشن، گرین بیلٹس اور شجرکاری کے کاموں کی پیش رفت کا جائزہ لیا گیا جبکہ ان اقدامات کو دیرپا اور مؤثر بنانے کے حوالے سے بھی تفصیلی غور کیا گیا۔ اجلاس میں فیصلہ کیا گیا کہ شہر کی اہم شاہراہوں پر سایہ دار درخت لگانے کے ساتھ ساتھ پائیدار ٹف ٹائلز بچھانے کے اقدامات کیے جائیں گے۔ اس سلسلے میں لیہ مائنر سے انٹری گیٹ کالج روڈ، کشمیر چوک سے ڈی سی آفس روڈ اور چوک سے کالج روڈ سمیت دیگر اہم شاہراہوں کو بھی خوبصورت اور بہتر بنانے کے لیے اقدامات کیے جائیں گے۔اس موقع پر ڈپٹی کمشنر آصف علی ڈوگر نے کہا کہ تمام ترقیاتی و بیوٹیفکیشن کے کام مقررہ مدت میں مکمل کیے جائیں اور جاری منصوبوں کے معیار اور پائیداری کو یقینی بنایا جائے تاکہ شہر کی مجموعی خوبصورتی اور شہری ماحول میں نمایاں بہتری لائی جا سکے۔انہوں نے کہا کہ وزیراعلیٰ پنجاب مریم نواز شریف کے ویژن کے مطابق شہریوں کو صاف، سرسبز اور خوبصورت ماحول فراہم کرنے کے لیے بیوٹیفکیشن اور شجرکاری کے اقدامات پر خصوصی توجہ دی جا رہی ہے شہر کی خوبصورتی کے ساتھ ساتھ گرین بیلٹس اور شجرکاری کے منصوبوں کو پائیدار بنانا بھی ضروری ہے تاکہ ان کے ثمرات طویل عرصہ تک برقرار رہیں۔ انہوں نے کہا کہ تمام متعلقہ محکمے باہمی رابطے سے کام کرتے ہوئے منصوبوں کی بروقت تکمیل اور اعلیٰ معیار کو یقینی بنائیں۔
