لیہ: اسسٹنٹ کمشنر کروڑ اصغر علی چیمہ نے سہولت بازار کروڑ کا دورہ کیا اور وہاں اشیائے ضروریہ کی دستیابی، قیمتوں، معیار اور سرکاری نرخ ناموں کا تفصیلی جائزہ لیا۔ انہوں نے مختلف سٹالز پر اشیاء کی قیمتوں کی پڑتال کے ساتھ خریداروں سے بھی مقررہ نرخوں اور دستیاب سہولیات کے بارے میں دریافت کیا۔ اسسٹنٹ کمشنر نے متعلقہ افسران کو ہدایت کی کہ سہولت بازار میں اشیائے ضروریہ کی وافر دستیابی یقینی بنائی جائے اور شہریوں کو مقررہ نرخوں پر معیاری اشیاء کی فراہمی میں کسی قسم کی رکاوٹ نہ آنے دی جائے۔ انہوں نے کہا کہ نرخ ناموں کو نمایاں طور پر آویزاں رکھا جائے اور ناجائز منافع خوری کی روک تھام کے لیے باقاعدگی سے نگرانی جاری رکھی جائے۔
