24 تا 30 اپریل عالمی ہفتہ برائے حفاظتی ٹیکہ جات منانے کا اعلان سی ای او ہیلتھ ڈاکٹر شاہد ریاض کی والدین سے بچوں کو بروقت ویکسین لگوانے کی اپیل، مزید معلومات کیلئے ہیلپ لائن 1166 پر رابطہ کی ہدایت

لیہ(نمائندہ لیہ ٹی وی)چیف ایگزیکٹو آفیسر ہیلتھ ڈاکٹر شاہد ریاض نے کہا ہے کہ عالمی ہفتہ برائے حفاظتی ٹیکہ جات 24 تا 30 اپریل 2026 منایا جائے گا۔ انہوں نے کہا کہ اس ہفتہ کے منانے کا مقصد والدین میں حفاظتی ٹیکہ جات کی اہمیت اجاگر کرنا اور بچوں کو موذی بیماریوں سے محفوظ بنانے کے حوالے سے آگاہی فراہم کرنا ہے۔ سی ای او ہیلتھ نے عوام سے اپیل کی کہ وہ اپنے بچوں کو حفاظتی ٹیکہ جات کا کورس بروقت مکمل کروائیں اور اپنے قریبی ہیلتھ سنٹر سے رجوع کریں۔ حفاظتی ٹیکے بچوں کو پولیو، خسرہ، نمونیا اور دیگر خطرناک بیماریوں سے بچانے میں اہم کردار ادا کرتے ہیں۔ ڈاکٹر شاہد ریاض نے کہا کہ والدین اپنے بچوں کے ویکسین کارڈ کو محفوظ رکھیں اور مقررہ تاریخوں پر ٹیکہ جات ضرور لگوائیں۔ مزید معلومات اور رہنمائی کے لیے صحت تحفظ ہیلپ لائن 1166 پر بھی رابطہ کیا جا سکتا ہے۔