ایڈیشنل ڈپٹی کمشنر ریونیو ڈاکٹر عابدہ فرید کا اراضی ریکارڈ سنٹر کا معائنہ

لیہ(نمائندہ لیہ ٹی وی)ایڈیشنل ڈپٹی کمشنر ریونیو ڈاکٹر عابدہ فرید نے اراضی ریکارڈ سنٹر کا معائنہ کیا۔انہون نے اس موقع پر سروس ڈیلیوری کے مختلف امور کا جائزہ لیااور سنٹر میں موجود شہریوں سے ملاقات کی اور ان سے درپیش مسائل، درخواستوں کی پراسیسنگ اور عملے کے رویے کے بارے میں دریافت کیا۔ انہوں نے شہریوں کو فراہم کی جانے والی سہولیات کا بھی جائزہ لیا جن میں انتظار گاہ، بیٹھنے کی مناسب جگہ، صفائی ستھرائی اور پینے کے صاف پانی کی دستیابی شامل تھی۔ایڈیشنل ڈپٹی کمشنر ریونیو نے عملے کو ہدایت کی کہ شہریوں کو بروقت اور شفاف خدمات کی فراہمی یقینی بنائی جائے اور کسی بھی قسم کی غفلت یا تاخیر نہ کی جائے۔ انہوں نے ریکارڈ کی درستگی اور سسٹم کی بہتری کے لیے بھی ضروری اقدامات کرنے کی ہدایت کی تاکہ عوام کو زیادہ سے زیادہ سہولت فراہم کی جا سکے۔بعد ازاں ڈاکٹر عابدہ فرید نے اسسٹنٹ کمشنر کمپلیکس کا بھی معائنہ کیا جہاں مختلف دفاتر کی کارکردگی، صفائی ستھرائی اور عوامی سہولیات کا جائزہ لیا گیا۔ انہوں نے متعلقہ افسران کو ہدایت کی کہ سرکاری دفاتر میں آنے والے شہریوں کے لیے بہتر ماحول اور سہولیات کی فراہمی کو ہر صورت یقینی بنایا جائے تاکہ عوام کو کسی قسم کی دشواری کا سامنا نہ کرنا پڑے۔