گندم خریداری مہم 2026: شفافیت اور کسانوں کو سہولت کی فراہمی یقینی بنانے کی ہدایت اے ڈی سی جی شبیر احمد ڈوگر کا پی آر سنٹر لیہ کا دورہ، باردانہ اجراء اور ادائیگیوں کے عمل کو قواعد کے مطابق مکمل کرنے کی تاکید

لیہ(نمائندہ لیہ ٹی وی) ایڈیشنل ڈپٹی کمشنر جنرل شبیر احمد ڈوگر نے گندم خریداری مہم 2026 کے سلسلہ میں قائم پی آر سنٹر لیہ کا دورہ کیا اور خریداری کے عمل کا تفصیلی جائزہ لیا۔ اس موقع پر انہوں نے سنٹر پر موجود ریکارڈ کی پڑتال کی اور متعلقہ عملہ کو ہدایات جاری کیں کہ باردانہ کے اجراء، خریداری اور ادائیگیوں کے تمام مراحل کو شفاف رکھا جائے۔ انہوں نے کہا کہ حکومت پنجاب کی ہدایات کے تحت گندم خریداری پالیسی 2026 کے تحت فی بوری 3500 روپے کے حساب سے خریداری کی جائے جبکہ کسانوں کو باردانہ کی فراہمی، منافع کی ادائیگی اور بروقت خریداری کو یقینی بنایا جائے۔ اے ڈی سی جی شبیر احمد ڈوگر نے سنٹر پر موجود سہولیات کا جائزہ لیتے ہوئے ہدایت کی کہ کسانوں کو کسی قسم کی پریشانی نہ ہو اور ان کے اناج کی خریداری مقررہ قواعد و ضوابط کے مطابق شفاف انداز میں مکمل کی جائے۔ انہوں نے عملہ کو تاکید کی کہ کسانوں کے ساتھ خوش اخلاقی سے پیش آیا جائے اور تمام ریکارڈ مکمل اور درست رکھا جائے۔