لَیَّہ میں وزیر اعلیٰ پنجاب انٹر ڈویژن کرکٹ چیمپئن شپ کیلئے ڈسٹرکٹ ٹیم کے ٹرائلز مکمل اسپورٹس کمپلیکس میں منعقدہ ٹرائلز کے بعد انڈر 23 کے 10، اوپن ایج کے 4 اور انڈر 19 کے 2 کھلاڑی منتخب، لَیَّہ ٹیم 16 اپریل کو مظفرگڑھ کے خلاف پہلا میچ کھیلے گی

لیہ(نمائندہ لیہ ٹی وی) لیہ میں وزیر اعلیٰ پنجاب انٹر ڈویژن کرکٹ چیمپئن شپ کے سلسلہ میں ڈسٹرکٹ کرکٹ ٹیم کے ٹرائلز سپورٹس کمپلیکس لیہ کے کرکٹ اسٹیڈیم میں منعقد ہوئے۔ ٹرائلز کے موقع پر ڈسٹرکٹ سپورٹس آفیسر امتیاز احمد بھٹی اور سلیکشن کمیٹی کے ارکان موجود تھے، جن میں ڈسٹرکٹ کرکٹ ایسوسی ایشن کے عہدیداران کامران حیدر، مہر مزمل، عاشو شاہ اور ملک جعفر حسین جعفری شامل تھے۔ ٹرائلز کے بعد 10 کھلاڑی انڈر 23، 4 کھلاڑی اوپن ایج اور 2 کھلاڑی انڈر 19 کیٹیگری میں منتخب کیے گئے۔ ڈسٹرکٹ لیہ کی ٹیم اپنا پہلا میچ 16 اپریل کو مظفرگڑھ کے خلاف کھیلے گی۔ اس موقع پر سید جنید شاہ گیلانی (ہاکی کوچ)، عارف چھینہ (انٹرنیشنل فٹبالر) اور دیگر شخصیات بھی موجود تھیں۔