لیہ(نمائندہ لیہ ٹی وی) ایڈیشنل ڈپٹی کمشنر ریونیو عابدہ فرید نے کہا ہے کہ بورڈ آف ریونیو پنجاب نے ریونیو کورٹ منیجمنٹ سسٹم ( RCMS) کے ذریعہ ریونیو کورٹ کیسز کا لازمی اندراج کا طریقہ کار متعارف کروا دیا ہے۔ ریونیو کورٹس مینجمنٹ سسٹم (RCMS) نامی ایک ڈیجیٹل نظام تیار کیا گیا ہے اور اسے نافذ کیا جا رہا ہے تاکہ صوبہ بھر میں ریونیو عدالتوں کے کیسز کے انتظام میں شفافیت، کارکردگی اور معیار کو یقینی بنایا جا سکے۔ اے ڈی سی آر نے کہا ہے کہ 15 اپریل 2026 سے تمام نئے ریونیو کورٹ کیسز لازمی طور پر RCMS کے ذریعے ہی درج کیے جائیں گے۔ کوئی بھی کیس اس وقت تک قابلِ سماعت یا زیرِ کارروائی نہیں ہوگا جب تک اسے مذکورہ نظام کے ذریعے باقاعدہ طور پر درج نہ کیا گیا ہو۔ مزید وضاحت کی جاتی ہے کہ مقررہ تاریخ کے بعد کوئی بھی اپیلیٹ عدالت ایسے کیس کو قبول یا سماعت کے لیے منظور نہیں کرے گی جس میں نچلی عدالت کا فیصلہ RCMS کے ذریعے تیار نہ کیا گیا ہو۔
