لیہ(نمائندہ لیہ ٹی وی) ایڈیشنل ڈپٹی کمشنر جنرل لیہ شبیر احمد ڈوگر نے میٹرک سالانہ امتحانات کے سلسلہ میں گورنمنٹ بوائز ہائی سکول ماڈل امتحانی مرکز کا دورہ کیا جہاں انہوں نے جاری امتحانی عمل کا جائزہ لیا۔اے ڈی سی جی نے امتحانی کمروں کا معائنہ کیا اور ڈیوٹی پر موجود عملہ کی کارکردگی کو چیک کیا۔ایڈیشنل ڈپٹی کمشنر جنرل شبیر احمد ڈوگر نے سکیورٹی انتظامات اور امتحانی ضابطہ کار پر عملدرآمد کا بھی جائزہ لیا اور ہدایت کی کہ امتحانات کے دوران نظم و ضبط کو برقرار رکھا جائے نقل کی روک تھام کے لیے مؤثر اقدامات یقینی بنائے جائیں تمام انتظامات کو بہتر انداز میں جاری رکھا جائے تاکہ امتحانی عمل شفاف اور پرامن طریقہ سے مکمل ہو سکے۔
