لیہ( نمائندہ لیہ ٹی وی)ڈپٹی کمشنر لیہ آصف علی ڈوگر کی ہدایت پر ایڈیشنل ڈپٹی کمشنر ریونیو محمد شاہد ملک نے تحصیل کروڑ کا دورہ کیا۔ اس موقع پر انہوں نے میونسپل کمیٹی آفس میں جاری مختلف ترقیاتی منصوبوں کا تفصیلی جائزہ لیا اور کام کی رفتار و معیار کو چیک کیا۔اے ڈی سی آر نے چونگی موڑ اور تعبیر چوک پر ٹف ٹائل کے جاری منصوبوں کا معائنہ کیا۔ انہوں نے متعلقہ افسران کو ہدایت کی تمام ترقیاتی کام مقررہ معیار کے مطابق اور بروقت مکمل کیے جائیں تاکہ عوام کو پائیدار اور بہتر سہولیات میسر آ سکیں۔ انہوں نے کہا کہ ترقیاتی منصوبوں میں کسی قسم کی کوتاہی برداشت نہیں کی جائے گی۔انہوں نے چندی موڑ، جہانگیر پارک اور جنرل بس اسٹینڈ پر جاری بیوٹی فیکیشن منصوبوں کا جائزہ لیا۔ انہوں نے کہا کہ شہر کی خوبصورتی میں اضافہ حکومت پنجاب کی ترجیحات میں شامل ہے اور بیوٹی فیکیشن کے منصوبے شہری ماحول کو بہتر بنانے میں اہم کردار ادا کرتے ہیں۔ انہوں نے ہدایت کی کہ صفائی، شجرکاری اور تزئین و آرائش کے کام تسلسل کے ساتھ جاری رکھے جائیں۔اے ڈی سی آر نے تجاوزات کے خلاف جاری آپریشن کا بھی معائنہ کیا۔انہوں نے اس موقع پر کہا کہ تجاوزات عوامی مشکلات کا سبب بنتی ہیں اس لیے انسداد تجاوزات آپریشن بلا امتیاز جاری رکھا جائے گا اور کسی کو سرکاری جگہوں پر قبضے کی اجازت نہیں دی جائے گی۔ایڈیشنل ڈپٹی کمشنر ریونیو محمد شاہد ملک نے تمام متعلقہ محکموں کو باہمی رابطے کے ساتھ فرائض سرانجام دینے اور عوامی مفاد کے منصوبوں کو ترجیحی بنیادوں پر مکمل کرنے کی ہدایت کی۔
