ملتا ن22اگست(لیہ ٹی وی) ماحولیاتی آلودگی کی روک تھام کیلئے سرسبز پنجاب کی جانب عملی قدم ، پی ایچ اے کی جانب سے شہر کے مختلف مقامات پر سایہ دار تیار پودے لگانے کا سلسلہ جاری ، کمشنر مریم خان نے ڈی سی ملتان وسیم حامد سندھو کے ہمراہ پودا لگایا، ڈی جی پی ایچ اے آصف رؤف نے شجرکاری مہم پر تفصیلی بریفننگ دی ، شجرکاری مہم میں ملکی سلامتی اور استحکام کیلئے خصوصی دعا بھی کرائی گئی ، کمشنر ملتان مریم خان نے اس موقع پر گفتگو کرتے ہوئے کہا کہ حکومت پنجاب کی ہدایت پر ڈویژن بھر میں شجرکاری کی جارہی ہے۔ہر فرد اپنے حصے کا پودا لگاکر ماحولیاتی تبدیلی میں اپنا کردار ادا کرے۔صاف ماحول کا خواب صرف شجرکاری کے ذریعے ہی شرمندہ تعبیر کیا جاسکتا ہے،13 اگست سے ابتک پی ایچ اے کی جانب 2 ہزار سے زائد درخت لگائے جاچکے ہیں۔ ڈی جی پی ایچ اے ملتان نے کہا کہ ارجن، پلکن، تبوبیا، ٹرمنیریا جیسے ماحول دوست پودے لگائے جارہے ہیں۔
